《阿童木》

今日同各位講o既係《阿童木》(Astro Boy)，唔駛多講相信大家都知哩部電影係改編自日本漫畫大師手塚治虫o既同名經典漫畫o架啦，雖然筆者並唔係手塚老師o既fans，不過細個時都好鍾意睇哩套當時叫〈小子俠〉o既電視卡通o架，所以無論如何都會捧場o既！
故事方面，係由天才科學家天馬博士痛失愛子講起，之後佢就製造o左一個同個仔一模一樣o既機械人出唻作為代替品，但係越係見到「阿童木」，佢就越想起個仔死o左哩個事實，於是乎決定放棄「阿童木」。之後o既故事發展筆者唔打算再透露，因為唔想剝奪觀眾們追看故仔o既樂趣，只可以話片中仍然留意手塚老師一貫o既環保意識，相當有佢o既風格呀！
總括唻講，本片都算係一部中規中矩o既電影，雖然唔算有咩驚喜，但係都不失為一部合格o既商業片，所以都可以一看o架！

評分：☆☆☆
(五☆為滿分)