《我女友係零零7》

講到哩部《我女友係零零7》(My Girlfriend Is An Agent)，由於友人o既關係，所以筆者有幸能夠優先睇o左，o係度真係特別嗚謝胡先生呀！
故事方面，主要係講述身為特務o既女主角由於要隱瞞身份o既關係，搞到男主角離佢而去。而後來男主角又成為另一種特工回國，於是乎兩個人兩個唔同o既特務 組織o係陰差陽錯之下追查埋同一宗案件，咁自然就搞到笑料百出啦！老實講，雖然配音出唻o既效果始終有d未如理想，不過筆者相信配音版應該已經比原裝版好 笑得多，而如果要彈o既話就係片中o個個反派o既「易容」可謂有d搵唻搞，重有就係大橋都幾"行"o下。不過，其實哩類咁o既愛情搞笑片，最緊要係能夠令 人睇得開心o者，而本片就絕對能夠做到哩點喇！
總而言之，本片不失為近期o既好戲之一。而筆者亦都舉賢不避親，推薦各位去睇o下此片，絕對冇介紹錯o架！

評分：☆☆☆半
(五☆為滿分)